عمر النت ماكان وسيلة ابدا كفاية انك تتعرف بحد

انا النهاردة حابة اتكلم عن النت وخصوصا الميل ومعرفة الناس مش عارفة ابتدى ازاى ياترى ابتدى بالمميزات ولا اللى العيوب

ز
ياترى اتكلم عن احسن بنات فى الدنيا عرفتهم ولا عن اكتر ناس بسببهم حزنت وفضلت اسأل نفسى هما ليه كده ؟وكانت دايما (الاجابة هى الدنيا كده)


زمان كنت بحب اعرف البنات واتكلم معاهم بس دلوقتى خلاص يمكن ده لانى اتخنقت من التصرفات السخيفة وده اللى خلانى بعدت فى الفترة الاخيرة


وبقى الميل بالنسبة ليا (اخر حاجة ممكن على النت افكر فيها )بزعل اوى كل لما افتكر اللى حصلى من كذا شهر لما بنت من صحابى عرفتنى على بنت تانية معايا نفس الجامعة


وورتنى صورتها وبعدين كنت بصادفها كتير قلت خلاص اروح اكلمها فى البداية كنت مترددة لانى ماكنتش متأكدة من شكلها بس استجمعت قوايا ورحت كلمتها بس اللاسف قابلتنى اسخف مقابلة فى الدنيا


تعرفوا وقتها حزنت جدااااااااااااااا لانها (على النت كانت غير كده ابدااااااا) كانت على النقيض للنقيض كانت بجد حد لذيذ ومن وقتها بقى فى من جوايا حاجز كبير غصب عنى

ز
لقيت نفسى ببعد وخصوصا ان فى س من الناس بدون ذكر اسماءكانت بتتعمد تعمل اوف لاين اول لما افتح ياترى هى فاكرة نفسها مين انا عندى اللى احسن منها بكتير بتواضعهم واخلاقهم علشان يعنى هى بتكتب شوية شعر مااحنا كمان بنكتب

(نفسى اقولها ليه الغرور ؟)بجد هتخسرى فى يوم مش عارفة ليه لما بفتكر المواقف دى بحزن اوى بس برضه


بفتكر البنات التانية اللى هما نفسهم يشوفونى ويعرفونى وبحبهم وبيحبونى حب فى الله بس للاسف اغلبهم من برة مصر
.ز
بدعى ربنا يجمعنا بيهم فى يوم لانهم قمة فى التدين والاخلاق اللى فى الدنيا واد ايه ثقافتهم عالية

ومن عالم التدوين

عرفت 3 بنات منهم 2 بموت فيهم ولحسن الحظ اننا نفس السن مع اختلاف الدراسة يمكن مش بنتقابل غير كل فين
وفين بس مش قادرة اقولكم بنبقى سعدا اد ايه


زمان كان عندى حق لما كنت دايما بقول (ان النت عمره ماكان وسيلة كفاية انك تعرف حد) وخصوصا لو كانت بالكتابة وانا مااقصدش بده ان كل البنات وحشين بل على العكس


فى مرة كنت اتعرفت على بنت وكانت تعرف اختى هى معايا طب برضه هى كانت لذيذة على النت اوكى بس فى الحقيقة ياربى ايه ده (رقة رقة بجد واخلاق وحبوبة جدا )


اول لما اتقابلنا حسيت نفسى اعرفها من سنين وقتها كنت مع الجروب بتاعى حتى صحابى استغربوا بيقولولى معقول اول مرة تشوفيها قلتلهم اه والله طبعا كانوا مندهشين جدا يمكن لاننا مابطلناش رغى


يااااااااااااه رجعتولى زكريات انما لازم تقولولى (عندى حق ولا لا )ان النت عمره ما كان كفاية علشان تعرف وتحكم على حد وخصوصا مع ضيق الوقت

معلش طولت عليكم بس كنت حاسة انى نفسى اتكلم عايزة اعرف هو انا بس اللى بفكر بالشكل ده ولا ياترى كل الناس كده فى انتظار تعليقاتكم

فين ضحتك الحلوة دى وحشتنى اووووووووى ؟

انا ابتديت احس بحاجة غريبة وملاحظاها من فترة كبيرة ان كل الناس من حواليا نسيوا الضحكة

ز

حتى اللى بيحاول يضحك منهم بيضحك ضحكة مش من القلب
(ضحكة مش بضمير بجد)

ز

ز

واكيد اكيد مش كل ايامنا حزن اكيد بتمر علينا لحظات فرح حتى لو كانت بسيطة بس ماحدش بيعترف بيها او حتى يقول عليها

ز

ز
الناس ابتدت تخاف من الحسد تقول لا مش هقول انى سعيدة ومبسوطة
ليه ياجماعة بس؟

ز

دى الابتسامة اجمل شئ فى الدنيا مش حتى الضحكة وزى ماقالوا( اضحك للدنيا تضحكلك)

ز
انا فضلت فترة طويلة مش بضحك لان كل اللى حواليا نسيوا حتى الابتسامة احساس صعب بجد لما نقضى كل اوقاتنا فى لوم وعتاب وحزن واحباط بالشكل ده

ليه كل ده ؟

ز

ز
وكانت فى بنت من البنات وهى حبيبة قلبى كانت ضحكتها دى اجمل ضحكة فى الدنيا
بتملى الدنيا فرح وهنا كنت اول ماابصلها اقولها ياربى من ضحتك

ز
كنت لما بتضحك تحس عيونها كمان بتضحك

ز
بس مش عارفة ايه حصلها ونسيت حتى ازاى تبتسم وانا بقولها حبيبتى ارجعيلى وحشتنى ضحتك وانا حتى مش عارفة اذا كانت حتى هتقرا كلامى ده ولا لا

ز
انا عارفة ان الدنيا بقت غير الدنيا والزمن غير الزمن وكل شئ من حوالينا بيتلخبط والوشوش بتتغير
بس يعنى هنبقى احنا والناس من حوالينا على نفسنا بجد حرااااااااام

ز

ز
انا بحب اوى الناس مش هتقول اللى بتضحك هكتفى بس بابتسامة

ز

ز
انا اوقات لما بكون مخنوقة ومتدايقة وراجعة البيت ميتة من التعب والاقى حبيبى بابا ربنا يخليه بيبتسلملى ويعاكسنى شوية ويقولى مثلا

ز

ز
ازيك ياواد يادكتور اخبارك ايه النهاردة ؟مش عارفة ليه وقتها بنسى كل التعب
شفتوا كل ده بس من ابتسامة ؟؟؟؟؟؟؟

ز
بجد الحزن وحش اوووووووى انا فترة من الفترات استسلمت لليأس وكنت خلاص بينى وبين ال depression

ز
حاجة بسيطة جدا يمكن وقتها كانت الظروف اقوى بس عمر الحزن مابيرجع اللى فات وانا اللى اتعلمته فى الدنيا دى اننا فى اى شئ نعمل اللى علينا ونسيب كله لربنا

ز

ز
ومافيش حاجة بجد تستاهل هما يومين فى حياتنا نقضيهم المهم نرضى ضميرنا مش مهم ايه النتيجة لان مصايرنا مش بأيدينا

شاب وبنت

انا النهاردة حابة اتكلم عن الحب بين الشباب والبنات

والحقيقة كان عجبنى جدا البوست فى مدونة( همسات شاب) لما اتكلم عن الحكاية دى بس هو عرضها من وجهة نظره هو كشاب فأنا حبيت اتكلم عنها كبنت

.
انا ماماتى وبابا من الريف فانا اتربيت تربية الريف فالمبادئ دى مترسخة جوايا مترسخ جوايا ان ماينفعش ابدا ان البنت يكون ليها علاقة بشاب
.
.
الا فى( اطار الخطوبة) ممكن اكون معقدة زى ماكتير بيقولوا عنى ممكن تفكيرى من زمان اوى بس انا شايفة ان لما البنت تفضل تدى مشاعرها لغير الانسان اللى هتشاركه حياته
.

يبقى كده مش صح ابدا لانها غالبا هتنجرح وممكن تحاول تدخل فى تجربة تانية علشان تنسى الاولى ومع مرور الوقت مش هتكون عندها حاجة تديها او مشاعرها هتكون رخيصة من غير تمن
.
.
عارفين بالظبط زى ايه
البنت انا بعتبرها وردة لو هى اتعرفت بحد مش خطيبها ولاى سبب ماكملوش مع بعض
فالوردة خلاص حد قرب منها ريحتها اتغيرت مابقتش بنفس جمال شكلها فقدت رونقها
.
وسبحان الله ربنا مابيحرمش شئ من غير سبب
يعنى بنشوف بنات فى الجامعة كتير بيتعرفوا بشباب وللاسف اكتر من 90 فى الميه من العلاقات دى مش بتنتهى بالزواج
وده لسبب بسيط جدا ان كل واحد منهم عرف التانى بمافيه الكفاية مابقاش عنده فضول يعرف اى شئ عنه

وفى سبب تانى
ممكن الشاب ده فقد الثقة فى البنت دى وقال زى ماعرفتنى ممكن تعرف حد تانى ولو ان ده ظلم بس ده غالبا اللى بيحصل
.
زمانكم دلوقتى بتقولوا انى مشاعرى جامدة وان ماينفعش اللى انا بقوله وان مافيش حد بيتحكم فى مشاعره
.
بس اللى انا متأكدة منه ان اى حب فى الدنيا بيبتدى باعجاب يبقى خلاص هي دى الفترة اللى ممكن تعمل فيها كنترول لان مشاعر البنات مش لعبة
.
وكمان مشاعر الولاد حرااااااام بجد وياريت اى شاب مايحاولش يبتدى اى علاقة غير لما يكون متأكد انه مستعد للزواج من البنت دى لان زى مابيقولوا حرام بنات الناس
.
وبنشوف فى الجامعة وبنسمع عن قصص كتير
طب ليه احنا مانخليش وقت الدراسة للدراسة ونخلى وقت للخطوبة للخطوبة على الاقل يبقى ليها معنى وقتها تحسى بفرق فى حياتك
.
لكن فى ناس كتير بتضيع فى دراستها بس قصص فاشلة كتير
كل اللى انا نفسى فيه اننا نرجع لدينا من تانى وياريت مانشوفش الانفتاح الفظيع اللى حاصل ده
.
ويارب يهدى شباب وبنات المسلمين جميعا
ويجمع المتحابين فى الله بالزواج
.
واسفة لو كنت طول عليكم