حاجة قريبة لقلبى

السلام عليكم ورحمة الله

ز

ز

النهاردة قلت انزل حاجة قريبة لقلبى وهى قصيدة صغيورة كده بس لها قصة طريفة اوى وانى كنت كاتبها للانتيم بتاعتى بس مش (عارفه حودت منى على رومانتيك ليه كده) المهم اليوم اللى جت اديها ليها

ز

زطبعا كنت لازم اعاكسها شوية بقولها ياقمر بقولك قالتلى ها قلتلها انا بحبك صح بس بأمانة مش اوى كده يعنى ههههههه وهى تقول كده كده وانا اقولها ايوه طب (اغشك يعنى؟اخدعك ؟)ز

ز

ز

طبعا كنت هتضرب بس الحمد لله ربنا ستر. ابطل رغى واسيبكم مع القصيدة واتمنى تعجبكم

ز

زJ

why can't you see what you are doing to me

؟.why can't you see what you are doing to mewhy can't you see what you are doing to me

your love is the only thing inside me that love who is taking me from me

ز

ز

Why my lips can't smile to any one but you and my soul is so sad away from you

ز

ز

My tongue refuses to tell my words because of you and not even to the moon

ز

ز

who is becoming so jealous of you because we used to be friends before i know you

ز

ز

I know that there is no words enough for you and even if there is it won't be enough

ز

to tell you how much i love you

الاخوات دول مستبدين

النهاردة انا هحاول اتكلم عن موقف لسه من دقايق حصلى مع الواد اخويا ياربى لو سمعنى وانا بقول كلمة واد دى مش بعيد اترمى من البلكون او (اطرد مش بس من البيت ممكن من الغربية كلها) المهم



كنت قاعدة فى الاوضة بتاعتى ومخنوقة من المذاكرة وعندى امتحان ومسكت الموبايل وفتحت نت وفضلت العب فيه


والواد اخويا اتخنق كل شوية اعمل اون لاين اوف لاين جننته طبعا وكل لما يكلمنى اقوله بجرب بس يامودى الله سبنى بس اركز


وبعدين بعد شوية هديت وسبته مفتوح وكنت بكلم بنت من صحابى وبعدين بيقولى لسه بتجربى آه يامجرمة(مجرمة دى تبقى حضرتى على فكرة)


وانا اقول فى سرى والله عيب عيب اللى بيحصل ده ده الفرق بينا فى السن سبع سنين وللاسف للاسف لصالحى وعلشان هو (ربنا مامديله شوية طول يعنى هيذلنا )

المهم بعد شوية فضلت ازهق فيه وابعتله ايموشين وجننته (يستاهل مش بيقولى يامجرمة )وفضلت اغيظ فيه وقله نزلت برنامج جديد وشكله شيك والامويشين بتاعه يجنن وبيقولى طب اجربه لان بيعشق نت الموبايل وانا اقوله بعينك


اتغاظ هو طبعا وبعدين بيقولى طب ياحلو انت ياحلو (ال يعنى انا كده هرضخ بقى)جامدة يرضخ دى فرديت وقلت طبعا حلو طب ماانا عارفة وبعدين الواد كسفنى بيقولى اوعى تاخدى على كده (احبطنى على فكرة علشان تعرفوا بس هو انا بقصر من شوية )


وبعد شوية زهقت من نت الموبايل ده حسيت نفسى اتحولت قلتله مشمش ياميدو ياقمر ياحبيبى يامسكر
قالى نعم حضرتك عايزة ايه؟


قلتله عايزة اقعد بقى على الجهاز قالى طيب يعنى انتى عايزة تقعدى ودلوقتى بقيت حبيبك ماكنت من شوية بعينك
فضلت اقوله (والنبى والنبى وده يقولى أحلمى أحلمى)


وبعدت عدة محاولات من الاموشينات والدلع ودفع رشوة مادية محترمة تمكنت اخيرا من الجلوس عالجهاز وقدرت اكتب البوست ده ونقول تم بحمد الله


وفعلا الولاد دول مستبدين او عالاقل الواد اخويا ده ياربى ودايما اقوله روح يامحمد ياابن ماماتى وبابايا يارب تقصر نصر متر بحاله


المهم انا حبيت افك شوية من خنقة المذاكرة معاكم ويارب مايكونش دمى كان تقيل وياريت تدعولى عندى امتحان فى خلال اسبوع (دعوة قليلة تمنع بلاوى كتيرة )واختكم غلبانة

شوية حكاوى

السلام عليكم ورحمة الله

اخباركم ايه ؟يارب تكونوا بألف خير واجازة سعيدة يارب للكل وربنا يوفق الكل فى نتيجته ان شاء الله

ندخل بقى فى الموضوع انا النهاردة قررت احكى ليكم مواقف حصلتلى فى طريقى للجامعة او درس اوانا فى طريقى للبيت يعنى لما بفتكرها بفضل اضحك وقلت اشاركها معاكم

---فى مرة كنت رايحة الجامعة والدنيا زحمة وكالعادة ركبت الميكروباص الخربان وعمو السواق قال الولاد يرجعوا ورا والبنات قدام وكان فى بنت قاعدة جانبى وماهانش عليها تنزل علشان تعدى الولاد ازاى تنزل وتتعب نفسها ولقتها قعدت على رجلى وعلى شنطتى عادى جدا بدون اى كلام ولا حتى استئذان (حسستنى انه بيت عمو باباها اللى اشتراها ببلاش)

---فى مرة من المرات كان عندى درس وبعدين كان فى شارع صغير بعدى منه ولقيت جروب اطفال ومش راضيين يعدونى غير لما يبوسونى وبصراحة كانوا قمامير خالص انا كنت طبعا مستغربة فقلتلهم ايه لما اروح الدرس وارجع ورجعت بعد اكتر من ساعة ولقتهم والله مستنينى ورفضوا يعدونى غير لما اتباس هيبسونى يعنى هيبسونى واتبست فعلا


---كان يوم جمعة وكده وكان عندى كورس كميونتى وبرضه مع نفس الميكروباص لقيت بنت بتقولى هو انتى رايحة درس ربنا يعينك تالتة ثانوى صعبة انا طبعا مت من الضحك قلتلها يابنتى حرام عليكى انا فى رابعة كلية مش ثانوى خالص قلتلها ايه الاحباط ده وقلتلها انا عارفة انى ممكن اكون قصرت شوية ممكن اكون اختفيت شوية بس عادى ومش لدرجة الثانوية العامة وبعدين ياستى كله فى سبيل العلم وطبعا ضحكت على نفسها ضحك

---فى يوم تانى كنت راجعة من الكلية ومعايا ادوات الكميا وكده وكان فى واحدة كبير فى السن قاعدة جانبى وبعد شوية لقيت تقريبا دماغها فى قلب الشنطة اللى فيها الادوات بتاعتى طبعا كنت هموت منها مش عارفة كانت بتستكشف ايه مش خايفة حاجة تفرقع فى وشها هههههههههه وانا كل ده ببصلها ومبتسمة وعلى وشى نظرة دهشة

---فى مرة وكنا راجعين انا وصحابى وخلاص بعد يوم طويل وكنت وقتها لسه فى اولى وكده ولقيت واحدة ست وقفتنى ولقتها بتسألنى بتقولى ال قوليلى يابنتى والنبى هى مستشفى النفسية والعصبية فين( قلت اوووووووووبا هى وصلت للنفسية والعصبية )ومن اولها كده استر يارب استر قلت ياربى هو الواحد شكله بيدى على نفسية عصبية

ومواقف تانية كتير حصلتلى بس كفاية رغى كده بقى صدعتكوا انا معلش سامحونى بقى وياريت اى حد حصله موقف طريف فى الطريق يحكيلنا عليه

الزواج عن طريق النت

النهاردة هنتكلم عن الزواج على الانترنت وياترى حضرتك مع اى رأى ياترى مع ان الحب فى اى مكان موجود ولا نت لاء و مرفوض

وجهة النظر الموافقة

ناس مش بتفرق معاهم موضوع النت وبيعتبروه وسيلة زى اى وسيلة اى حد ممكن يتعرف بيها وان الحب والقبول فى اى مكان موجود .

وان المكتوب مكتوب وان ربنا هو اللى بيكتب للانسان ازاى هيقابل شريك حياته حتى لو غلطة تليفون

الناس دى بتعتمد على احساسها كتير على فكرها اكتر .بمعنى انها واثقة عارفة انها هتقدر تفرق كذب الانسان ده من صدقه وهتبين خداعه او غشه

والرأى المعارض

يعنى فى ناس بتقول ازاى الواحد يحب حد ويربط مصيره وحياته بشخص فى النهاية هو مستخبى ورا شاشة وان النت عمره ماكان وسيلة ابدا كفاية


لان على النت سهل جدا حد يخدع و سهل جدا حد يغش و سهل جدا حد يلعب بمشاعر حد

بلاش كده ممكن ترسم ليه صورة فى خيالك معينة ويطلع غيرها تماما لان الانسان فى النهاية ماهو الا روح عمره ماكان كلام ابدا مكتوب


وباعتبار (اننا مجتمع شرقى) ويعنى غالبا بيكون الشاب غيور ممكن تلاقيه بيقول زى ماعرفتنى ممكن تكون عرفت حد تانى وزى ماسمحتلى ادخل جواها ممكن تكون سمحت لحد تانى .

وفى بنات استحالة هى كمان تقول اكيد عرف بنات كتير قبلى لان فى نظرهم النت وسيلة سهلة جدا ان حد يكون علاقات


ناس تانية ممكن تكون مش معترضة بس معترضة على الشكل الاجتماعى ويكون رفضها الوحيد لما حد يسألنى اتعرفتوا ازاى هقول ايه .لان اغلب الاسر ومجتمعنا مازال بيرفض الفكرة بعتبرها حاجة اب نورمال حاجة غريبة على دينا ومعتقداتنا


انا حاولت اعرض آراء مختلفة ومااتكلمتش عن رأيى الشخصى واحب اعرف رأيكم فى الموضوع ده ياترى انتم مع ولا ضد